Suna Karo Meri Jaan In Se Un Se Afsaane

Suna Karo Meri Jaan In Se Un Se Afsaane
Sab Ajnabi Hain Yahan Kaun Kis Ko Pehchaane

Yahan Se Jald Guzar Jao Qaafile Walo
Hain Meri Pyas Ke Phooke Hue Ye Weeraane

Meri Junon-E-Parastish Se Tang Aa Gaye Log
Suna Hai Band Kiye Ja Rahe Hain Butt-Khaane

Jahan Se Pichle Pehar Koi Tishna-Kaam Utha
Wahin Pe Tore Hain Yaaron Ne Aaj Paimaane

Bahaar Aye To Mera Salaam Keh Dena
Mujhe To Aaj Talab Kar Liya Hai Sehraa Ne

Sivaa Hai Huqm K "Kaifi" Ko Sang-Saar Karo
Maseeha Baithe Hain Chup Ke Kahan Khuda Jaane