Junoon Mein Shaoq Ki Gehraiyon Se Darta Raha
Main Apni Zaat Ki Sachaiyon Se Darta Raha
Mohabton Se Shanasa Hoa Main Jis Din Se
Phir Us K Baad Shanasaiyon Se Darta Raha
Wo Chahta Tha K Tanha Miloon To Baat Kare
Main Kya Kron K Main Tanhaiyon Se Darta Raha
Main Regzaar Tha Mujh Mein Base They Sanaatay
Issi Liye To Main Shehnaiyon Se Darta Raha
Main Apne Baap Ka Yousuf Tha is Liye Mohsin!
Sakoon Se So Na Saka Bhaiyon Se Darta Raha
No comments:
Post a Comment