Is Qadar Musalsal Theen Shiddaten Judai Ki
Aaj Pheli Baar us Se Main Ne Bewafai Ki
Aaj Pheli Baar us Se Main Ne Bewafai Ki
Warna Ab Talak Youn Tha Khwahishon Ki Barish Mein
Ya To Toot Kar Roya Ya Ghazal Sarai Ki
Ya To Toot Kar Roya Ya Ghazal Sarai Ki
Taj Dia Tha Kal Jin Ko Ham Ne Teri Chaahat Mein
Aaj Un Se Majboran Taaza Aashnai Ki
Aaj Un Se Majboran Taaza Aashnai Ki
Ho Chala Tha Jab Bhi Mujh Ko Ikhtilaaf Apne Aap Se
TU Ne Kis Gharri Zalim Meri Hamnawai Ki ?
TU Ne Kis Gharri Zalim Meri Hamnawai Ki ?
Tark Kar Chukay Qaasid Ko-e-Na-Muraadan Ko
Kon Ab Khabar Laaway Sheher-e-Aashnai Ki ?
Kon Ab Khabar Laaway Sheher-e-Aashnai Ki ?
Tanz-o-Taana-o-Tohmat Sab Hunar Hain Na Siha Ke
Aap Se Koi Pooche Ham Ne Kia Burai Ki ?
Aap Se Koi Pooche Ham Ne Kia Burai Ki ?
Phir Qafas Mein Shor Utha Qaidyon Ka Aur Sayyaad
Dekhna Urra De Ga Phir Khabar Rihai Ki
Dekhna Urra De Ga Phir Khabar Rihai Ki
Dukh Howa Jab us Dar Pe Kal “Faraz” Ko Dekha
Laakh Aib Thay us Mein Khuu Na Thi Gadai Ki
Laakh Aib Thay us Mein Khuu Na Thi Gadai Ki
No comments:
Post a Comment