Shahon ki tarah they na ameeron ki tarah they
Ham shehr -e- mohabbat k gaqeeron ki tarah they
Dariyon mein hote the jazeeron ki tarah ham
Sehraon mein pani k zakheeron ki tarah they
Afsos keh samjha na hamen ahl -e- nazar ne
Ham waqt ki zambeel mein heeron ki tarah they
Gham tauq -e- galo paon mein zanjeer ana ki
Aazad bhi they ham to aseeron ki tarah they
Hairat hai keh wo log bhi ab chor chale hain
Jo meri hatheli pe lakeeron ki tarah they
No comments:
Post a Comment