uthao haath apne aur haroof-e-ilteja dhondo
mareen-e-la-dawa k vaste koi dawa dhondo
bhula kar ranj sare aur mita kar nafraten dil se
jafa k shehr se niklo koi dasht-e-wafa dhondo
nahi ek shakhs bhi mukhlis agar tum se jahan bhar mein
to phir tum zaat mein apni kahin koi khata dhondo
zameen-o-aasman mein aur na duniya mein bani adam
agar dil hai KHUDA ka ghar to phir uss mein KHUDA dhondo
No comments:
Post a Comment