shahon ki tarah they na ameeron ki tarah they
ham shehr-e-mohabbat k faqeeron ki tarah they
dariyaon mein hote they jazeeron ki tarah ham
sehraon mein pani k zakheeron ki tarah they
afsos k samajha na hamen ehl-e-nazar ne
ham waqt ki zanbeel mein heeron ki tarah they
hairat hai k wo log bhi ab chor chale hain
jo meri hatheli pe lakeeron ki tarah they
sochi na buri soch kabhi un k liye bhi
pewasta mere dil mein jo teeron ki tarah they
No comments:
Post a Comment