Main shakhs hoon ik aam sa
Ik qisa-e-tamam sa
Na lehja be-misaal hai
Na baat mein kamaal hai
Hoon dekhne mein aam sa
Udasiyon ki shaam sa
Jaisay aik raaz hoon
Khud se be-niyaaz hoon
Na majboriyon se rabt hai
Na shohraton ka zabt hai
Ranjha na qais hoon
Insha na faiz hoon
Main paker-e-ikhlaas hoon
Wafa dua or aas hoon
Main shakhs khud shanaas hoon
Ab tumhi karo faisla
Main shakhs hoon ik aam sa
Ya phir bohat hi khaas hoon
No comments:
Post a Comment