Kabhi mere liye tere deedar bahot the

Kabhi mere liye tere deedar bahot the
Hamen iss dil per tabhi akhtiar bahot the

Dil-o-jaan kia her cheez hi ganwa li
Bas kisi per hamen aitebar bahot the

Tumhara khayal bhi na bheega barshon se
Panah gah k shajar saya dar bahot the

Jhank kar lab-e-bam se peeche hat gaye
Log kehte hain tum milansar bahot the

Bazam-e-aitebar mein tujhe dekha, dil ro para
Iss nadan per hamen akhtiar bahot the

Maat dete tujhe apni haar se bhi
Hamari saffon mein magar ghaddar bahot the

Ham aa to jate teri bazm mein
Per iss mein madoo aitebar bahot the

Auron ki be-rukhi mat ginwao mujhe
Khud tum bhi kabhi wafadar bahot the

Hairat hai mehfil mein tanha hai aj wo
Kabhi dasht mein jis k yaar bahot the

Kiyon dhondon qatil ko shehr dar shehr
Bas tum hi mere razdar bahot the

Poet: Muhammad Fayyaz Mahi