Ab Ke Tajdeed -e- Wafa Ka Nahi Imkaan Janan

Ab Ke Tajdeed -e- Wafa Ka Nahi Imkaan Janan
Yaad Kia Tujh Ko Dilaye Tera Paymaan Janan

Yoon Hi Mousam Ki Ada Dekh Ke Yaad Aya
Kis Qadar Badal Jatay Hain Insaan Janan

Zindagi Teri Ata Thi So Tere Naam Ki Hai
Hum Nay Jesay Bhi Basar Ki Tera Ehsaan Janan

Dil Yeh Kehta Hay Keh Shayed Ho Farsooda Tu Bhi
Dil Ki Kia Baat Karay Dil Tu Hai Nadaan Janan

Awal Awal Ki Mohabbat Ke Nashay Yaad To Kar
Be-Piye Bhi Tera Chehra Tha Gulistaan Janan

Aakhir Aakhir To Ye Alam Hai Keh Ab Hosh Nahi
Rag -e- Meena Sulag Uthi Keh Rag -e- Jaan Janan

Muddaton Se Yahi Alam Na Tawaqqo Na Umeed
Dil Pukaray Hi Chala Jata Hai Janan Janan

Hum Bhi Kia Saada Thay Hum Ne Bhi Samajh Rakha Tha
Ghum Douraan Se Juda Hai Ghum -e- Janan Janan