Mere khattaon ko sanbhal rakhna

Mere khattaon ko sanbhal rakhna
Her aik mushkil ko taal rakhna

Ham maan len khuda tujh ko agar
Hamrah aroj k tum na ziwal rakhna

Chalao seene pe tanz k nishter lekin
Koi dil mein na chubhe khayal rakhna

Bhula dena sab ki trah lamhon mein
Yaad na ham ko mah-o-saal rakhna

Achi hi guzar gai tumhare sath zindagi
Dil mein na ab koi malal rakhna

Koi salwat na pare kafan per Mahi
Bas dafnate hoe ye khayal rakhna

Poet: Muhammad Fayyaz Mahi