Koi haar gaya, koi jeet gaya

Koi haar gaya, koi jeet gaya
ye saal bhi aakhir beet gaya

kabhi sapne sajaye aankhon mein
kabhi beet gaye pal baton mein

kuch talkh se lamhat bhi the
kuch hadse aur sadmat bhi the

per ab k baras aye dost mere
main ne RABB se mangi hai ye dua

Koi pal na tera udaas guzre
koi rog na tujhe raas guzre

tu pholon ki tarah khila kare
koi shakhs na tujh se gila kare

Tu khush rahe, abad rahe
tera khawb nagar abad rahe

tu jo chahe wo ho jaye
tu jo mange wo mil jaye