ranjish hi sahi dil hi dukhane ke liye aa

ranjish hi sahi dil hi dukhane ke liye aa
aa phir se mujhe chor ke jane ke liye aa
pehle se marasim na sahi phir bhi kabhi to
rasm-o-rahe duniya hi nibhane ke liye aa
kis kis ko bataen ge judai ka sabab ham
tu mujh se Khafa hai to zamane ke liye aa
kuch to mere pindaar-e-mohabbat ka bharam rakh
tu bhi to kabhi mujh ko manane ke liye aa
ek umar se hon lazzat-e-giriya se bhi maharom
aye rahat-e-jaan mujh ko rulane ke liye aa
ab tak dil-e-Khush_feham ko tujh se hain umeeden
ye aakhri shammen bhi bujhane ke liye aa
mana k mohabbat ka chupana hai mohabbat
chupke se kisi roz jatane ke liye aa
jaise tujhe ate hain na ane ke bahane 

aise hi kisi roz na jane ke liye aa

Ahmad Faraz