kabhi youn bhi to ho

kabhi youn bhi to ho
darya ka sahil ho
pooray chand ki rat ho
aur tum ao

kabhi youn bhi to ho
pariyon ki koi mehfil ho
koi tumhari bat ho
aur tum ao

kabhi youn bhi to ho
yeh narm mulayem thandi hawaen
jab ghar se tumharay guzrain
tumhari khusbu churaen
mere ghar lay aen

kabhi youn bhi to ho
sooni har manzil ho
koi na mere sath ho
aur tum ao

kabhi youn bhi to ho
yeh badal aisa toot k barsay
mere dil ki tarah milnay ko
tumhara dil bhi tarsay
tum ghar say niklo

kabhi youn bhi to
tanhai ho, dil ho
boondain hon, barsaat ho
aur tum ao
kabhi youn bhi to ho!