Kuch na kisi se bolen ge

kuch na kisi sey bolain gay
tanhaye main roo lain gay...

hum bey-rah'ravoon ka kya
sath kisi ka hoo lain gay...

khud to huay rusva lakin
teray bhayed na kholain gay...

jevan zehar bhara sagar
kab tak amrat gholain gay...

hijar ki shab sonay walay
hashar ko aankhain kholain gay...

phir koi andhi uthay gi
panchi jab par tolain gay...

neend to kya aaye FARAZ
moat aaye to soo lain gay...!!