Samandar kia karen ge

samandar kya karengay qatra e shabnam chura layain
agar mumkin ho, zakhm e hijr ka marham chura layain

baharo'n k chalay janay, khiza'n aanay ka darr naa.. ho
koi aisa mohabbat ka naya mausam chura layain

khabar ho nind ki paryo'n ko, naa khwabo'n ki devi ko
tumhain palko'n ki doli mai bittha kar ham chura layain

hamain jazbaat k sehra ko bhi sairaab karna hai
kisi tutay huwey insaa'n ki, chashm e namm chura layain

tumhara sath ho to aik bas apna hi jeewan kyu'n
jaha'n walo ki saari umr aawo hamm chura layain

sada ki muskurahat unkay honto'n par sajanay ko
chalo "SHAHI" zara chupkay say unkay gham chura layain