Mujh ko dhoond leta ha

mujhko dhoondh laita hai nitt-naye bahanay say
dard ho gaya waqif meray harr thhikanay say

chal dya maseeha bhi dard sonp kar apnay
baaz wo nahi aata mujhko aazmanay say

kutch kahain tau ruswai, chup rahain tau saudayee
dil nikal nahee'n pata aisay tanay banay say

ab nazar nahee'n utth'ti uss ki bazm mai ham par
ham qadar ganva'n baithay rauz aanay janay say

gham ghusar saa diya sath kab talak daita
ho gai hai khamoshi uss kay doob janay say

aik do ki baat nahee'n ann-ginat samaitay hain
kab ye dil sambhalta hai aik gham bhulanay say

sar jhukaye maazi say khud ko khojta hai tu.....
aur kya milayga ab iss gharib khanay say

bolo kya maza paya zindagi say ai KHALISH
ajnabi rahay khud say ajnabi zamanay se