Mohabbat khushbu aur wafa thi

Mohabbat khushbu aur wafa thi, Kia waja thi?
Kabhi ye zindagi dast-e-hina thi, Kia waja thi?

Ye khawhish thi k uss ki mang mein bharta sitare
Magar hathon mein zanjeer-e-ana thi, Kia waja thi?

Mere dushman ki baton ka sahara dhondti thi
Mujh hi se zindagi meri khafa thi, Kia waja thi?

Uss k khad-o-khal bhi aam se, lehja bhi sada
Bhari mehfil se magar wo juda thi, Kia waja thi?

Q mujh ko dar pe laya gia tha soch aye dil
Teri ghalti thi ya meri khata thi, Kia waja thi?