Meri ankhon k jo atraf mein haley hoe hain

Meri ankhon k jo atraf mein haley hoe hain
ye tere bakhshe hoe khawb sanbhale hoe hain

main ne to kab se tah-e-khak utar jana tha
tere wa'ade hi meri maut ko taley hoe hain

ye teri yad ka sadqa hai jo mere ander
shaam hote hi rag-o-pae mein ujale hoe hain

apne chehron pe nidamat jo liye phirte hain
mujh ko lagta ha ye jannat se nikale hoe hain

ham ko ruswai se q khof dilate ho mian
ham to pehle hi yahan khak uchale hoe hain

dast-e-qudrat ne tere naam pe likh chora hai
khush naseebi ha k ham tere hawale hoe hain

kesa dushwar hoa ha yahan jeena marna
aise lagta ha ham aag mein daley hoe hain