Mera her lafz rota ha

Yahi waada lia tha na
Hamesha khush hi rehna hai
Lo dekho
Dekh lo aa k
Meri ankho ko dekho tum
Ye kitni shokh lagti hain
Mere honto ko dekho tum
Hamesha muskarate hain
Koi bhi gham agar aya
Usse hans kar saha main ne
Mere chehre ko dekho tum
Hamesha pur-sakoon hoga
Kia tha main ne jo tum se
Wo waada kar dia poora
Magar ik baat hai piare
Kabhi jo waqt mil jaye
To meri shayri parhna tum
Tumhen mehsos to hoga
Kaheen talkhi bhara lehja
Kaheen pe sard sa lehja
Kaheen pe dard ki jheelen
Kaheen lehje ki karwahat
Suno!
Main khush to hon lekin
Mera her lafz rota hai