Her aik lamha shab-e-Gham

Her aik lamha shab-e-Gham ha kia kia jaye?
umeed-e-subha bahot kam ha kia kia jaye?

samo liye hain zamane k gham tabasum ne
zamana iss pe b barham ha kia kia jaye?

azeem tar ha ibadat shabaab mein lekin
yahi gunah ka mosum ha kia kia jaye?

tumhari yaad men alam ko bhool bethe hain
tumhi batao ye alam ha kia kia jaye?

mohabbat sahi magar aye Mohsin
gunah fitrat-e-adam ha kia kia jaye?