Chalo tum ko milata hon

Chalo tum ko milata hoon main us mehman say pehlay

jo mere jism mein rehta tha meri JAAN se pehlay

koe khamosh ho jaye to us ki khamoshi se drr

samandar chup hi rehta hay kisi tufan se pehlay

mujhay ji bhar kay apni moat ko to dekh lenay do

nikal jaye na meri JAAN is arman se pehlay

meri aankhoon se behtay motiyon ka silsala dekho

ye mala toot jati hay teri muskan se pehlay

purana dost hoon tera, mera ye farz hay

tujhay hosheyaar kar doon main tere nuqsan se pehlay.