mujh ko shikwa hai mere bhai k tum jaate hoye le gaye saath meri umr-e-guzashta ki kitab
is mein to meri bahot qeemati tasweren theen, is mein bachapan tha meraa, aur mera ahd-e-shabaab
is ke badle mujhe tum de gaye jaate jaate apne Gham ka ye damakta hoa Khoon-rang gulaab
kya karon bhai, ye ezaaz main kyun kar pehnon mujh se le lo meri sab chaak qameezon ka hisab
aakhri baar hai lo maan lo ik ye bhi sawal aaj tak tum se main lauta nahi mayos-e-jawab
aa ke le jao tum apna ye damakta hoa phool mujh ko lauta do meri umr-e-guzashtaa ki kitab
Faiz Ahmad Faiz
No comments:
Post a Comment