jo ruke to koh-e-garan the ham

na ganwao naavak-e-neem-kash, dil-e-reza reza ganwa diya
jo bache hain sang samait lo, tan-e-daagh daagh luta diya
mere charagar ko naved ho, saf-e-dushmanan ko Khabar karo
wo jo qarz rakhte the jaan par, wo hisaab aaj chuka diya
karo kaj jabeen pe sar-e-kafan, mere qaatilon ko guman na ho
k Guroor-e-ishq ka baankpan, pas-e-marg ham ne bhula diya
udhar ek harf ki kushtni, yahan laakh uzr tha guftni 

jo kaha to sun ke ura diya, jo likha to parh ke mita diya
 

jo ruke to koh-e-garan the ham, jo chale to jaan se guzar gaye
rah-e-yaar ham ne qadam qadam, tujhe yaadgaar bana diya 

Faiz Ahmad Faiz