Meri zindagi to firaq hai

Meri zindagi to firaq hai
Wo azal se dil mein makeen sahi

Wo nigah-e-shoq se door hain
Rag-e-jaan se laakh qareeb sahi

Sar-e-toor ho, sar-e-hashar ho hamen intezar qabol hai
Wo kabhi milen, wo kahin milen wo kabhi sahi wo kaheen sahi

Mera un pe jo bas nahi, to na sahi
K ye ashiqi ha hawas nahi

Main unhi ka tha main unhi ka hon
Wo mere nahi to na sahi

Jo ho fesla wo sunaiye
Isse hashar pe na uthaiye

Jo kareen ge ap sitam wahan
Wo abi sahi wo yahin sahi

Usse dekhne ki jo lo lagi
To dekh hi len ge Qateel ham

Wo hazar ankh se door ho
Wo hazar parda nasheen sahi