Zar parasti hayat ho jaye

Zar parasti hayat ho jaye
iss se behter ha k wafat ho jaye

phir main dunia mein ghoom sakta hon
jism se gar nijat ho jaye

aik devi ki ankh aise lagi
jese mandir mein rat ho jaye

butt shikan kia bigar sakte hain
dil agar somnaat ho jaye

kitne beemar-e-ishq bach jaen
husn per agar zakat ho jaye

ap dil chor ho to, ham ehl-e-dil
waqt do wardat ho jaye

ankh oarhna jisey b aa jaye
mahir-e-nafsiat ho jaye

ishq jab aina-e- zat ho
khaliq-e-mojzat ho jaye

aks-e-laila se Qais bat to kare
ain mumkin ha bat ho jaye