Tumhari ankhen kehti hain

Tumhari ankhen kehti hain hisar-e-zaat se niklo
tamana meri ban jao, shab-e-barbad se niklo

Kinara tham lo dil ka, bhula do her gila shikwa
kabhi sachi hansi hans do, purani yad se niklo

khayal-e-yaar acha ha, magar jis ne wafa na ki
palat kar phir sada na do, dar-e-friyar se niklo

nahi koi mohabbat bhi, hijar rutt bhi, raqabat bhi
to ye dharka sa kia kahiye, weham ki ghaat se niklo

sukhanwar ham se kehta ha saja lo ankh mein kuch khawb
dharakna dil ko sikhla do, amawas rat se niklo

nahi tum ko gawara agar ha zara qurb to keh do
hamare karb ki choro, tum iss gardab se niklo